නැගෙනහිර දිනූ යුවතිය

                                                                             කතා කරන්නට නම් බෙනාසීර් භුතෝ යනු අභිමානවත් මාතෘකාවකි. ජීවිතය දිනවන්නට  ඈ ගිය ගමන බොහො කටු කොහොලින් පිරි ගිය එකක් විය.මග දිගට අත්වාරුවක් වන්නට සිටි පියාද ඇයට අහිමි කල පසු ජීවිතය අයට ලබා දුන්නේ ජිවත් වන්නන්ට ජීවිතය ඉගැන්වීමට පුංචි බලාපොරොත්තුවක් පමණි.

දේශපාලන ජිවිතයේ ඇගේ එකම හව්හරන වූයේ ඇගේ පියා පමණකි.සිරගත වී සිටි පියා හමුවීම ඇගේ දේශපාලන සංජානනය වර්ධනය කල තෝතැන්න විය.ලොවක් අගය කල දිරිය දියණියකගේ දේශපාලන මග හසර පුළුල් කල මුල් ගුරුවරයා ඇගේ පියා විය.

ඇය පකිස්තානයේ 11 වැනි  අගමැති ලෙස බෙනාසීර් භූතෝ තේරී පත්වන්නේ මුස්ලිම් රාජයක බලයට පත් වූ ප්‍රථම අගමැතිනිය ලෙසය.

පකිස්තානයේ කරචි නුවර Zulfikar ali ඇගේ පියා වූ අතර මව Nusrat Bhutto වූවාය.බෙනාසීර් භුතෝ දෙවතාවක් අගමැති තනතුර වෙනුවෙන් මැතිවරණයට ඉදිරිපත් වූ අතර 1988 ප්‍රථම වතාවට අගමැතිවරිය ලෙස දිවුරුම් දුන්නාය .නමුදු ඉන් මාස 20කට පසුව එවක ජනාධිපති වූ Ghulam khan විසින් ඇය තනතුරෙන් පහ කරන ලද්දේ දූෂණ චෝදනා එල්ල කොටය.නැවත වතාවක් 1933 දී අගමැති සටනට එකතු වී එයින් ජයග්‍රහණය කරන්නීය.එහිදිද පෙර චෝදනාවම එල්ල කරමින් එවක ජනපති වූ Farooq leghari අයව නැවත තනතුරෙන් නෙරපන ලදී.

නමුදු ඇය කිසිදිනක සිය සටන අත නොහැරියාය.කාන්තාවන්ට මිසෙකු ලෙස වුවද ලැබිය යුතු මුලිකම අයිතිවාසිකම් පවා අහිමි කරන මුස්ලිම් රාජ්‍යක කාන්තාවක ලෙසද අගමැති වරියක ලෙසද ඇය විදි කරදර මෙපමණකැයි ලඝු කොට දැක්විය නොහැක.ඇගේ මේ සටන්කාමි ක්‍රියාපිළිවෙත නිසාම අය සතුරන් අතින් ඝාතනය වන්නිය.