ලූෂන් බුලත්සිංහල

                                  

 1943 මැයි 30 වන දින, රත්මලානේදී උපත ලද ලූෂන් බුලත්සිංහල මහතා සිය මුලික අධ්‍යාපන කටයුතු රත්මලාන ශ්‍රී ධර්මාලෝක විද්‍යාලයෙනුත්, උසස් පෙළ කටයුතු දෙහිවල මධ්‍ය මහා විද්‍යාලයෙනුත් හැදෑරීය . පසුව පේරාදෙණිය විශ්ව විද්‍යාලයෙන් ශාස්ත්‍රවේදී උපාධියක්ද හිමි කර ගත්තේය. ලූෂන් බුලත්සිංහල මහතා ශ්‍රී ලංකාවේ ප්‍රවීණ කවියෙකු, රංගන ශිල්පියෙකු, රචකයෙකු සහ වේදිකා නාට්‍ය නිෂ්පාදකවරයෙකදු වෙයි. 1981 වසරේදී ඔහු විසින් රචනා කල තාරාවෝ ඉගිලෙති වේදිකා නාට්‍යය කා අතරත් අවධානයට සහ ඇගයීමට ලක්විය. ඔහු ශ්‍රී ලංකා රුපවාහිනී සංස්ථාවේ වැඩසටහන් සම්පාදනය පිළිබඳ නියෝජ්‍ය අධ්‍යක්ෂ ජනරාල් ධූරයක් හෙබවූවෙක්ද වෙයි.

                                               එතුමා විසින් රචනා කල ගීත අතර රජ මැදුරක ඉපදී සිටියානම්, දම් පාටින් ලා ,සඳ සිරියහනේ ලණු ඉහිරී, ආන් නගේ සල් අත්තේ පාංකිරිත්තා, ඔසරි පොටෙන් අදින්නෙපා, කොලොම්තොට නැත මහලු වී, කන්‍යාවී ,දෙතොල නොකී දේ ආදී ගීත බොහෝ ප්‍රචලිත අතර 1960 දී එල්. එල්. කේ. ගුණතුංග විසින් අධ්‍යක්ෂණය කළ අශෝක මාලා නාට්‍යයේ සාලියගේ චරිතයට පණ පොවමින්, ලූෂන් මහතා රංගන ක්ෂේත්‍රරයට අවතීර්ණ වූවේය.එතුමා සිය රංගන ප්‍රතිභාව ප්‍රධානය කල  ටෙලි නාට්‍ය අතර නටු නැති මල්,  1987 තාරා දේවි (අධ්‍යක්ෂණය) ,2013 පුංචි වලව්ව හඳුනා ගත හැකිය.

                                           2014 හෝ ගාන පොකුණ (විදුහල්පති ලෙස), 2008 අබා (අභය ලෙස) 1984 කිරි කවඩි, 1982 සිටු දියණිය, 1981 ආරාධනා, 1980 හංස විලක් ,1980 දඬු මොණරා, 1979 චූඩා මාණික්‍යය ,1979 හත් දින්නත් තරු ,1970 වෙස් ගත්තෝ, 1967 සැඩොල් කඳුළු ආදී සිනමා පට සඳහාද දායක වූ මෙතුමා දක්ෂ රංගන ශිල්පියෙක්ද විය .

                                     1985 දී පිපුණු මලේ රුව ග්‍රන්ථය රචනා කරමින් ග්‍රන්ථ රචනය සඳහා මුල් පොත් තැබූ මෙතුමෝ එතැන් පටන් 2000 දී කේමදාස න්‍යාය භාවිතය සහ අරගලය, 2004 සිහින ඔපෙරා දෙකක්, 2004 තාරාවෝ ඉගිලෙති නාට්‍යය රචනා කරන ලදී.